لقی دووی لێپرسینەوەی دادسەرای گشتی و ئینقلابی سنە، دیسان بڕیاری دەستبەسەربوونی فەرانەک جەمشیدی و مادێح فەتحی، دوو چالاکی ژینگەپارێزی کوردی بۆ جارێکیتر درێژ کردەوە.
فەرانەک جەمشیدی، ئەندامی کۆمەڵەی سەوزی کوردستان ٨ی پووشپەڕ بە دەستی هێزە ئەمنییەکانی سەر بە وەزارەتی ئیتلاعات لە ماڵەکەی خۆیدا لە شاری سنە دەستبەسەر کرابوو، هەروەها مادێح فەتحیش، ئەندامی پێشووی دەستەی بەڕێوەبەری کۆمەڵەی سەوزی کوردستان، ٢٠ی گەلاوێژ لە لایەن هێزە ئەمنییەکانەوە هەر لەم شارەدا دەستبەسەر کرابوو.
سەرچاوەیەکی ئاگادار لەم بابەتە بە تۆڕی مافەکانی مرۆڤی کوردستانی وت: «مووسا شاگڵدی، سەرۆکی لقی دووی لێپرسینەوە، بنەماڵەی ئەم دوو چالاکە ژینگەپارێزەی ئاگادار کردۆتەوە کە کاری دۆسیەکە هێشتا درێژەی هەیە و لێپرسینەوەکان کۆتایی نەهاتووە، هەر بۆیە بڕیاری دەستەبەسەربوونی ئەو دوو کەسەی بۆ ماوەی ١٥ ڕۆژی دیکە تازە کردۆتەوە».
بە وتەی ئەم سەرچاوەیە فەرانەک جەمشیدی و مادێح فەتحی لە سەرەتای دەستبەسەرکردنەوە هیچ دیدارێکیان لەگەڵ بنەماڵەکەیان نەکردووە و تەنیا توانیویانە چەند جارێک بە کورتی بە تەلەفۆن پێوەندی بە بنەماڵەیانەوە بگرن.
لەم ساڵانەی دواییدا مادێح فەتحی دوو جار لە لایەن هێزە ئەمنییەکانەوە دەستبەسەر کراوە کە دوایین جاری سەرماوەزی ١٣٩٦ بوو کە دوای ئەوەی بانگهێشتی ئیدارەی ئیتلاعاتی سنە کرا بۆ ماوەی ٣ مانگ دەستبەسەر کرا و ئینجا بە دانانی بارمتە ئازادیان کرد. ناوبراو لە گوڵانی ١٣٩٨دا بە تۆمەتی «چالاکیی دژی ئاسایشی نەتەوەیی» حوکمی ساڵێک زیندانی حەتمی و ٥ ساڵ زیندانی هەڵپەسێراو یان تەعلیقیی بۆ دەرچوو، دواجار چونکوو تانەی لەم بڕیارەی دادگا نەدا، بەپێی یاسای قبووڵکردنی حوکم، سزاکەی کەم کرایەوە بۆ ٧ مانگ زیندانیکردن.
سنە؛ تازەکردنەوەی دووبارەی بڕیاری دەستبەسەربوونی دوو چالاکی ژینگەپارێز
![](https://kurdistanhumanrights.org/wp-content/uploads/2020/10/Madeh-Faranak-1.jpg)
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە