بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، بەرەبەیانی ئەمڕۆ ٢٠ی بەفرانبار (١٠ی ژانڤییە) سزای لەسێدارەدانی زیندانییەک بە ناوی پەیمان عەرەب گیجە کە پێشتر بە تۆمەتی پێوەندیدار بە تاوانەکانی «مادە هۆشبەرەکان»ـەوە سزای لەسێدارەدانی بۆ دەرچووبوو، لە زیندانی ناوەندیی کەرەج جێبەجێ کراوە.
ئەم زیندانییە ڕۆژی ١٨ی بەفرانبار (٨ی ژانڤییە) لەگەڵ زیندانییەکی تردا بە ناوی ڕەشید لێوەندپوور بە مەبەستی جێبەجێکردنی حوکمەکانیان ڕەوانەی ژووری تاکەکەی کرابوون. سزای لەسێدارەدانی ڕەشید لێوەندپوور ڕۆژی ڕابردوو جێبەجێ کرا.
ئەم زیندانییەی خەڵکی ورمێ نزیکەی سێ ساڵ لەمەوپێش بە تۆمەتی پێوەندیدار بە تاوانەکانی «مادە هۆشبەرەکان»ـەوە دەستبەسەر کرا و سزای لەسێدارەدانی بەسەردا سەپا.
