تۆڕی مافه‌كانی مرۆڤی کوردستان

ڕۆژی یەکشەممە ٣٠ی گوڵان (١٩ی مەی) ئیبراهیم ناسری، خێرخوازی خەڵکی بۆکان کە لە بواری کردنەوەی قوتابخانەدا چالاکە، دوای بانگهێشتکران بۆ بنکەی هەواڵگریی ئیدارەی ئیتلاعاتی ئەم شارە دەستبەسەر کراوە. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ئەم هاووڵاتییە دوای ئەوەی لەڕێی تەلەفۆنەوە بانگهێشت کراوە بۆ بنکەی هەواڵگریی ئیدارەی ئیتلاعاتی بۆکان، دەستبەسەر کراوە و گوازراوەتەوە بۆ شوێنێکی نادیار. تا ئێستا لەسەر شوێنی ڕاگرتن و تۆمەتەکانی سەر...

دوای تێپەڕینی ٥ رۆژ لە دەستبەسەرکردنی سووسەن حەسەنزادە، چالاکی مەدەنی و مامۆستای زمانی کوردیی خەڵکی بۆکان، هیچ زانیارییەک لەسەر چارەنووسی بەردەست نەکەوتووە. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ڕۆژی چوارشەممە ٢٦ی گوڵان (١٥ی مەی) هێزە ئەمنییەکان بەبێ مۆڵەتی یاسایی و بە توندوتیژییەوە سووسەن حەسەنزادەیان لە ماڵەکەی خۆیدا دەستبەسەر کردووە و گواستوویانەتەوە بۆ شوێنێکی نادیار. سەرەڕای بەدواداچوون و سەردانی بنەماڵەکەی بۆ دادگا و دامودەزگا...

چوار هاووڵاتیی کوردی خەڵکی شارەکانی شنۆ و سایین‌قەڵا بە ناوەکانی لوقمان حاجی‌خۆش، سالار بەیگی، عەلی شیری و ناسر مورادی لە لایەن هێزە ئەمنییەکانەوە دەستبەسەر کراون و گوازراونەتەوە بۆ شوێنی نادیار. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ڕۆژی شەممە ٢٢ی گوڵان (١٢ی مەی) لوقمان حاجی‌خۆش، هاووڵاتیی خەڵکی «کۆنەقەڵا»ی شنۆ دوای بانگهێشتکردنی تەلەفۆنی بۆ بنکەی هەواڵگریی ئیدارەی ئیتلاعاتی ئەم شارە دەستبەسەر کراوە. هەروەها سێ هاووڵاتیی...

ڕۆژی پێنجشەممە ٢٠ی گوڵان (٩ی ئاوریل) ئیدریس حاجی‌ڕەسوول‌پوور، برای محەممەد حاجی‌ڕەسوول‌پوور لە گیانبەختکردوانی سەرهەڵدانی ژن، ژیان ئازادی لە بۆکان، لە لایەن هێزە ئەمنییەکانەوە دەستبەسەر کرا. هاوکات چوار هاووڵاتیی خەڵکی گوندی «حاجیئاوا»ی سایین‌قەڵا بە ناوەکانی ڕەحمان خەسرەوی، عوسمان عەباسی، شەهرام سوڵتانی و هێمن عەلیزادە لە لایەن هێزە ئەمنییەکانەوە دەستبەسەر کراون. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ڕۆژی پێنجشەممە ٢٠ی گوڵان (٩ی ئاوریل) هێزە...

بەرەبەیانی ڕۆژی سێشەممە ١٨ی گوڵان (٧ی ئاوریل) مامۆستا عەبدوڵڵا بەرزگەر، بەرنوێژی گوندی «کونەمشکە»ی سەردەشت، لە لایەن هێزە ئەمنییەکانەوە دەستبەسەر کراوە و گوازراوەتەوە بۆ شوێنێکی نادیار. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، کاتژمێر ٣ی بەرەبەیانی ڕۆژی سێشەممە ١٨ی گوڵان (٧ی ئاوریل) هێزە ئەمنییەکان هەڵیانکوتاوەتە سەر ماڵی مامۆستا عەبدوڵڵا بەرزگەر لە گوندی «کونەمشکە»ی سەردەشت و ئەم مامۆستا ئایینییەیان بەبێ مۆڵەتی یاسایی دەستبەسەر کردووە. تا ئێستا...