بەپێی زانیارییەکانی تۆڕی مافەکانی مرۆڤی کوردستان، بەرەبەیانی ڕۆژی پێنجشەممە ٩ی گەلاوێژ، هێزە نیزامییەکانی ئێران لە ناوچەی سنووریی «ملەقەندی»ی نەسوودی پارێزگای کرماشان و لە مەودایەکی نزیکەوە دەسڕێژیان لە کاروانێکی کۆڵبەران کردووە کە کوژرانی کۆڵبەرێک بە ناوی وەزیر محەممەدی لێ کەوتۆتەوە.
وەزیر موحەممەدی، تەمەن ٢٩ ساڵ و باوکی منداڵێکی ٤ ساڵان، خەڵکی گوندی «حەشمیر»ی شاری سەلاسی باوەجانی لە پارێزگای کرماشاندا بوو. تەرمی ئەم کۆڵبەرە گواستراوەتەوە بۆ پزیشکیی یاسایی پاوە و تا ئێستا ڕادەستی بنەماڵەکەی نەکراوەتەوە.
پێشتریش، ٥ی گەلاوێژ، دەستەیەک لە کۆڵبەران لە ناوچەی سنووریی «هەنگەژاڵ»ی بانەی پارێزگای کوردستان کەوتبوونە بەر تەقە و دەسڕێژی هێزەکانی پاسەوانی سنووری ئێرانەوە کە برینداربوونی ٥ کۆڵبەری لێ کەوتەوە. پێناسەی دووان لەم کۆڵبەرانە دەرکەوتووە کە بریتین لە ئازاد شەریفی و عەلی حسەینی، ئەو کۆڵبەرانە بۆ دەرمانکردن گواسترابوونەوە بۆ نەخۆشخانەی شاری پێنجوێنی هەرێمی کوردستان.
بەپێی ئەو ئامارانەی لە لایەن تۆڕی مافەکانی مرۆڤی کوردستانەوە کۆ کراوەتەوە، لە مانگی پووشپەڕی ئەمساڵدا لانیکەم ٧ کۆڵبەر و کاسبکاری سەرسنوور بە ناوەکانی شەمزین ئەحمەدی، زیاد ئێسباتیی حەیدەرانلوو، ئیبراهیم ئەبووبەکری، قاسم سەرباز، شاکر (عەلی) بروکی میلان، سالم سڵێماننەژاد و یووسف ئەحمەدی بە تەقەی هێزە سەربازییەکانی ئێران و تورکیا لە ناوچە سنوورییەکانی ورمێ، چاڵدێران، سەردەشت و پیرانشار گیانیان لە دەست داوە.
نەوسوود؛ کوژرانی کۆڵبەرێک بە تەقەی هێزە نیزامییەکانی ئێران
![](https://kurdistanhumanrights.org/wp-content/uploads/2020/07/Wazir-Mohammadi_-1.jpg)
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە