تۆڕی مافه‌كانی مرۆڤی کوردستان

تۆڕی مافەکانی مرۆڤی کوردستان زانیاریی بە دەست هێناوە کە ڕۆژی سێشەممە ١٧ی گەلاوێژ (٨ی ئاگۆست) چالاکێکی مەدەنیی خەڵکی گوندی «سیسەر»ی سەردەشت بە ناوی ڕامین حەسەننژاد لە لایەن هێزەکانی دەزگای ئیتلاعاتی سوپای پاسدارانەوە لە شارۆچکەی ڕەبەتی سەردەشت دەستبەسەر کراوە و گوازراوەتەوە بۆ شوێنێکی نادیار. لەسەر شوێنی ڕاگرتن و تۆمەتەکانی سەر ئەم هاووڵاتییە تا ئێستا هیچ زانیارییەک بەردەست نەکەوتووە. بەپێی ئامارە کۆکراوەکانی تۆڕی مافەکانی مرۆڤی کوردستان،لە مانگی پووشپەڕی...

بەپێی ئەو زانیارییانەی کەوتووەتە دەست تۆڕی مافەکانی مرۆڤی کوردستان، ڕۆژی چوارشەممە ٢٠ی گوڵان (١٠ی مەی) هاووڵاتییەکی ئاژەڵدار (چێوار)ی خەڵکی گوندی «دەرماناوێ»ی سەردەشت لە پارێزگای ئازەربایجانی ڕۆژئاوا بە ناوی محەممەد عەزیزی، بە دەسڕێژی هێزە سنوورپارێزەکان لە ناوچەی سنووریی «دۆڵەبی»ی ئەم شارە بریندار بووە. ئەم پیاوە چێوارە کە خەریکی لەوەڕاندنی ئاژەڵەکانی بووە، کەوتووەتە بەر پەلامار و لێدانی هێزە سنوورپارێزەکان و دوو گوللەیش بەر قۆلی کەوتووە و بریندار...

بەپێی ئەو زانیارییانەی کەوتووەتە دەست تۆڕی مافەکانی مرۆڤی کوردستان، ڕۆژی ڕابردوو ٢٩ی خاکەلێوە (١٨ی ئاوریل) کاسبکارێکی خەڵکی سەردەشت بە ناوی یەعقووب عەباسی لە ناوچە سنوورییەکانی بانە کەوتووەتە بەر دەسڕێژی هێزە سنوورپارێزەکان و کوژراوە. دەوترێت هێزە سنوورپارێزەکان دەسڕێژیان لە گرووپێک کاسبکار لە سنووری «ئاڵۆت»ی شاری بانەی پارێزگای کوردستان کردووە کە لە ئەنجامدا یەعقووب عەباسی بە قورسی بریندار ببوو. ئەم کاسبکارە دەبرێتە ناوەندێکی پزیشکیی شاری ورمێ بەڵام...

بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، شەوی ڕابردوو ٢١ی ڕێبەندان (١٠ی فێبرییە) کۆڵبەرێک بە ناوی حسەین محەممەدی لە ناوچەی سنووریی «نۆکان»ی سەردەشت لە پارێزگای ئازەربایجانی ڕۆژئاوا بە تەقەی هێزە سنوورپارێزەکان کوژراوە. ئەم کۆڵبەرە ٥٠ ساڵانەیە باوکی دوو منداڵ و خەڵکی شاری ڕەبەت بوو.

بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، هاووڵاتییەکی کورد بە ناوی شەهریار عادڵی، ٢٧ ساڵان، بە هۆی ئەشکەنجەدرانەوە لە کاتی دەستبەسەربووندا لە دەستبەسەرگەی ئیدارەی ئیتلاعاتی شاری سەردەشتی پارێزگای ئازەربایجانی ڕۆژئاوا، دوای ئازادبوونی کاتی بە بارمتە لە نەخۆشخانە گیانی لەدەست داوە. ئەم هاووڵاتییە لە ڕێکەوتی ١ی سەرماوەزدا (٢٢ی نۆڤامبر) بە هۆی بەشداریکردنەوە لە خۆپیشاندانە جەماوەرییەکانی سەردەشتدا دەستبەسەر کرا و گوازرایەوە بۆ دەستبەسەرگەی ئیدارەی ئیتلاعاتی...

بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، ئەمڕۆژ هەینی ٢٠ی گەڵاڕێزان (١١ی نۆڤامبر) هێزەکانی یەکەی سنووریی سەردەشت بە بیانووی دەستگرتن بەسەر باری کۆڵبەراندا هێرشیان کردووەتە سەر گوندی «بێوران»ی سەر بە شاری سەردەشتی پارێزگای ئازەربایجانی ڕۆژئاوا و بەبێ نیشاندانی فەرمانی یاسایی ویستوویانە بڕۆنە ناو ماڵی هاووڵاتییانی ئەم گوندەوە. هەر بۆیە تێکهەڵچوون لە نێوان ئەو هێزانە و خەڵکی گوندەکەدا هاتووەتە ئاراوە و لە مەودای نزیکەوە...

له‌ چه‌ند ڕۆژی ڕابردوودا سێ كۆڵبه‌ر به ‌ناوه‌كانی ڕه‌حمه‌ت ئه‌مینی، وه‌زیر وه‌یسی و موحه‌ممه‌د (فامیلی نادیاره‌) له‌ ناوچه‌ سنوورییەکانی سه‌رده‌شتی‌ پارێزگای ئازه‌ربایجانی ڕۆژئاوا،‌ نه‌وسوودی پارێزگای كرماشان و بانه‌ی‌ پارێزگای كوردستان، به‌ ته‌قه‌ی هێزه‌كانی پاسه‌وانی سنووری ئێڕان بریندار بوون. به‌پێی زانیارییه‌كانی تۆڕی مافه‌كانی مرۆڤی كوردستان، ڕۆژی ٢١ی ڕه‌زبه‌ر، گرووپێكی كۆڵبه‌ران له‌ ناوچه‌ی سنووریی نه‌وسوود كه‌وتوونەته‌ به‌ر ته‌قه‌ی ڕاسته‌وخۆی هێزه‌ سنوورپارێزەکان و كۆڵبه‌رێك به‌ ناوی وه‌زیر وه‌یسی...