بەرەبەیانی ڕۆژی یەکشەممە ١٧ی پووشپەڕ (٧ی جولای) سزای لەسێدارەدانی موجتەبا کەرەمی، بەندکراوی لاوی خەڵکی هەرسینی کرماشان کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەرچوبوو، لە زیندانی عادڵئابادی شیراز جێبەجێ کراوە.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم زیندانییە ٢٨ ساڵەیەی خەڵکی هەرسین نزیکەی ٣ ساڵ و نیو لەمەوپێش بە تۆمەتی پێوەندیدار بە «مادە هۆشبەرەکان»ـەوە دەستبەسەر کرابوو و سزای لەسێدارەدانی بۆ دەرچوبوو.
بەرەبەیانی ڕۆژی یەکشەممە ١٧ی پووشپەڕ (٧ی جولای) سزای لەسێدارەدانی ئەم بەندکراوە جێبەجێ کراوە و وا بڕیارە ڕۆژی سێشەممە ١٩ی پووشپەڕ (٩ی جولای) لە زێدی خۆی، هەرسین، ئەسپەردە بکرێت.
![](https://kurdistanhumanrights.org/wp-content/uploads/2024/07/Mojtaba-Karami-Edam-1024x723.jpg)